DJ陳達仁大婚祭母 墳前敬茶

陳達仁昨日迎娶圈外女友Sonia Wong，早上進行傳統的接新娘及向長輩斟茶儀式後，便拖着全身紅噹噹的新娘及兄弟姊妹團分數部花車直駛和合石墳場拜祭亡母，一對新人跪在墓前恭敬地向「新奶奶」敬茶，而眾兄弟姊妹表情亦相當嚴肅，由於新人掃墓相當「另類」，眾人沿途一直被眼超超，更有人問：「係咪嚟拍戲呀？」

飲宴設「吉位」

陳達仁在花車上受訪時說：「本來我諗住拜完山再去問米，先再影結婚相，請阿媽『上嚟』傾吓偈，正式同阿媽講『我娶老婆喇』！不過因為時間太緊迫做唔到。」他表示曾想在尖沙咀舉行名為「陳王百無禁忌結婚典禮」的婚宴，並於席上進行「潮版破地獄」，惜因籌備需時而告吹，但他堅持設「吉位」給媽媽，讓她「見證」兒子成家立室。

數架花車停泊在和合石，難怪引人望多兩眼！	紅白事相沖？「孝子」陳達仁未驚過！仲喺山墳前影相留念！	嚟到墳前，當然要斟茶孝敬亡母。

問陳達仁大婚之日去拜山會否太似做騷？他說：「其實我係想講畀大家知，為人子女要孝順父母，個仔結婚唔通留低阿媽喺屋企咩？咁我結婚唔想阿媽一個人孤伶伶嘛。」至於何為「潮版破地獄」？他解釋是將傳統的「破地獄」重新包裝變成舞蹈，又發表高見說：「我覺得『破地獄』係非物質文化遺產，好需要發揚光大。」又自稱兼任殯儀工作，故百無禁忌，連好友也支持他。

陳達仁和Sonia的婚宴預埋「吉位」畀亡母！	陳達仁和Sonia的婚宴預埋「吉位」畀亡母！	盧頌之

新婚之日拜祭亡母，紅白事會否相沖？本報透過電話訪問堪輿學家陳子才，他說：「我嘅角度係冇問題。結婚係喜事，和合石係陰地，但係佢最主要係去拜祭媽咪，用孝心嘅角度睇，係同媽咪分享喜事。（有冇地方需要注意？）如果咁多兄弟姊妹一齊去，要留意周圍嘅陵墓，唔好太嘈吵，唔好騷擾到其他靈位。」對於陳達仁表示打算去問米，陳子才說：「喜事會令你嗰一日嘅陽氣強，而問米係透過一個靈媒，當你陽氣咁盛去問米，可能會減弱咗靈驗性，即係可能接觸唔到陰界。」

「反目」盧頌之送祝福

另外，去年陳達仁曾借車給當時的好友盧頌之（DaDa），惟DaDa醉駕發生車禍令其右手臂骨碎裂，事後兩人反面，陳達仁揚言不會請DaDa飲喜酒。昨日DaDa出席活動時稱已沒跟陳達仁聯絡，故不知道他結婚，但會祝他新婚快樂。

文：音樂組、專案組