選擇性「親近」粉絲
林峯前晚在紅館開騷，除了走近台邊向女友吳千語唱《愛不疚》公開示愛外，玩遊戲時亦十分照顧女友感受。當晚擔任嘉賓的農夫表示要為林峯揀五個歌迷上台，並列出：女性、坐得近、有衫着、單身及不要太靚這五個條件，期間有歌迷大叫可幫林峯除衫，場面搞笑。
最後被選上台的女歌迷有透Bra、有晒腿，但林峯坐下時明顯靠向較圓潤的一位歌迷，與對方的互動亦較多，而除了在歌迷身旁獻唱，他更把戴着的手錶送給其中一名幸運兒。騷後林峯受訪，講到坐在靚女粉絲旁即硬晒軚，反而對較圓潤的粉絲表現親切，他否認怕女友呷醋：「效果啫！（女友睇足三場？）唔會，留啲飛畀其他人。（唱《愛不疚》冧女友？）咁啱，我都唔知佢坐嗰度。」
