續集床戰單立文？朱晨麗：唔好喇啩
藝人朱晨麗（朱朱）、朱千雪、王浩信及單立文等，前晚於尖沙咀出席無綫劇集《EU超時任務》飯敍。晒香肩的朱朱笑言恨與拍檔單立文拍續集：「可能之後劇情講我哋有BB。（角色在劇終時已逝世？）可以穿越返嚟生B！」
享受突襲錫錫
問到劇中沒有床上戲是否遺憾？朱朱即耍手擰頭：「唔好喇啩！我好尊重豹哥，唔好有床上戲。」其後又重提上次被對方突襲親吻，並轉口風自認當時怕醜兼享受，又讚單立文是男神。提到日前被拍到睇中醫？朱朱笑稱要調理好身體「迎戰」單立文：「調理咗有更多精力迎戰拍劇。（續集迎戰豹哥製造小生命？）講緊拍續集！」
王浩信五位數萬歲
同場的浩信笑言準備好五位數請客，更希望原班陣容再演續集，並增加與觀眾的互動：「希望度到更加滿意嘅劇本。（唔驚超越唔到自己？）唔驚，今次角色助燃我團火！」千雪則提議續集參考網民創作的大綱。而監製林志華於現場大賣關子稱不排除開拍續集：「有冇續集唔緊要，最緊要記住《EU超時任務》！」
文：影視組