陳貝兒捱眼瞓嗒國家級鮮肉
奧運宣傳大使劉佩玥及孫慧雪大嘆無緣親赴巴西直擊奧運會，免疫系統失調的佩玥睇比賽需與最愛的汽水及薯片絕緣；阿雪慨嘆冇機會結識高大熱情的巴西男；主持陳貝兒則自薦留港，在錄影廠見證近2,000小時的比賽節目及「一金不漏」的頒獎過程！
藝人陳貝兒、劉佩玥（Moon）及孫慧雪（阿雪）等昨日於尖沙咀出席無綫奧運宣傳活動《2016里約奧運會倒數100日》，電視廣播有限公司助理總經理杜之克先生宣布無綫除了將在翡翠台、明珠台及J5播放奧運會賽事外，更會於「myTV SUPER」特設多條奧運頻道，足本播放約2,000小時的比賽片段及頒獎過程，務求做到「一金不漏」，連黃興桂都大讚：「唔止Wonderful！係『Twoderful』呀！」
孫慧雪無緣溝巴西男
擔任奧運宣傳大使的Moon及阿雪都慨嘆無緣親赴巴西直擊賽事，Moon笑言只好與媽咪一起看電視欣賞比賽，惟最近受免疫系統失調困擾，「煲賽」時需遠離汽水及薯片：「惟有飲果汁同埋媽咪煲嘅靚湯啦。其實我都乖乖哋去咗睇醫生，我會快啲好番唔使其他人擔心。」而阿雪對於與巴西男士緣慳一面感到可惜：「巴西啲男仔好熱情又高大！（怕溝通唔到？）有心實溝通得到嘅。（身體語言？）好搞笑呀！如果全程都用身體語言嚟溝通。」
「鋼條」老公冇得比
不過奧運主持之一的貝兒反而希望留港做直播評述，實現由細到大都希望在錄影廠直擊的夢想。她表示喜歡欣賞與「水」有關的項目，藉此「品嘗」中國隊的「小鮮肉」：「好正！所以嗰啲捱眼瞓都抵！（同另一半討論？）梗係冇得比啦！人哋嗰啲國家級身形，我老公應該係鋼條型。」
文：影視組
攝：劉智源