抓撈使乜驚張家瑩夠晒主動
前亞姐張家瑩（Grace）及前亞視執董葉家寶等昨日出席資深製作人黎文卓開設的製作公司成立儀式，Grace直言希望與黎文卓合作，至於可會擔心被指「抓撈」？她說：「機會係要爭取，如果人哋唔畀嘢你做，抓都冇用啦！」並表示想繼續做電視行業。
至於葉家寶被問若與黎文卓合作可會轉做幕前？他笑指日前遇到電影人冼國林師傅，對方邀他飾演一個校長角色。談到亞視仍欠其薪金的問題，他說：「破欠基金我都可以申請。（可以拎番三分二人工？）冇咁多o架！（律師費同罰款呢？）唔係破欠申請，呢啲係另一樣嘢！」
