去年男神張智霖（Chilam）於內地真人騷曾以「禿頭Super Hero」造型亮相，早前再創新猷，孖住太太袁詠儀（靚靚）到西班牙拍外景時，索性以進化版「禿頭鬈毛」造型遊街，連靚靚都笑指老公這樣反而更受歡迎！
藝人張智霖與太太袁詠儀近年經常孖公仔亮相內地真人騷節目，Chilam於節目形象百變，多次「變妝」，先後化身老伯、學生及侍應等，更拋開「男神」包袱，以膠頭套及超人套裝變身「禿頭Super Hero」，獲網民大讚效果搞笑，好評如潮！
而Chilam早前與靚靚出發到西班牙繼續拍攝真人騷《一路上有你》第二輯，兩人因於遊戲中落敗而要接受大懲罰，Man爆獨力承擔的Chilam，遂事隔一年再以爆笑禿頭造型「重出江湖」！他慘被節目組出招破壞其靚仔形象，再度找來禿頭頭套給他戴上，今次更有鬈毛「圍邊」，造型爆笑又騎呢！然而Chilam未有介意被「醜化」，反而淡定又大方地游走於異國街頭，更不時與途人揮手問好，為眾人帶來歡笑！
至於跟隨Chilam遊街的靚靚起初竭力忍笑，甚至不敢望老公，卻令Chilam不禁「扮可憐」質問：「看着我！難道我變成這個樣子，你就不愛我了嗎？」靚靚聞言忍不住狂笑。Chilam笑指造型深受當地途人喜愛，靚靚亦附和讚老公變成禿頭後反而更受歡迎：「你好像比之前還要受歡迎。」
文：影視組