鄭中基歡迎古仔 跳舞娛賓

鄭中基前晚與太太余思敏拍拖出席《美國隊長3：英雄內戰》首映，日前鄭中基擔任ViuTV節目嘉賓表示聽過最差的歌是古天樂（古仔）唱的《今期流行》，談及此事時他笑說：「首歌唔啱古仔唱，如果我做監製唔會叫佢唱快歌，佢把聲低沉唔啱唱跳舞歌，可以唱深情或中低音嘅歌。（演唱會搵古仔做嘉賓？）我冇快歌，又唔跳舞，如果佢肯，可以嚟跳唱《今期流行》，由佢跳晒。（唔怕古仔嬲？）唔怕，我其實係想(r)份監製嚟做。（覺唔覺節目尺度太過分？）佢哋同我講可以講粗口，話會嘟，我已盡量唔講，但佢哋係咪都嘟，哈哈！」