鄭少秋見證成長讚叻女
鄭欣宜的新歌《女神》MV贏得網民好評，身為父親的鄭少秋見證女兒成長，大為感動，他說：「一早睇咗個MV，佢有畀我睇，有留意到大家嘅評論話畀佢感動到喊，我都畀佢感動到。佢經歷咗咁多，諗起佢捱嘅呢段日子有幾辛苦，佢一直奮鬥，終於改變到觀眾去支持佢，畀佢哋睇到佢嘅努力。要恭喜佢，真係Good Job！」秋官又笑說：「依家叻啦！學人做埋導演，老竇都做唔到呀！」
欣宜初出道時曾被不少人誤會她依靠父母，更因集前輩萬千寵愛於一身而引起反感，問到女兒經歷低潮時，可有叫她考慮放棄？秋官說：「佢試過為咗咁喊，我冇叫佢放棄，因為自己出道時都有觀眾唔鍾意，我都冇諗過放棄。我同佢都好鍾意表演，要繼續捱過去，享受做嘢嘅過程！」他又不忘提點女兒：「一直覺得肥定瘦唔緊要，最緊要健康，都有提佢唔減肥都要做運動。」
蕭定一：佢哭訴過要退出
至於身為老闆的蕭定一，亦樂見欣宜有好成績。他透露欣宜簽約前有長達9個月沒有演出，收入欠奉：「佢同我哭訴過『如果你唔搵我加盟，我已經決定唔再做藝人，準備退出娛樂圈！』」而她簽約蕭定一後，先後參演7部電影，早前更在新片《29+1》與周秀娜齊齊擔任女主角，稍後更獲安排在新片與內地一線演員合作！