被指「港女」「偽ABC」 連詩雅：係節目效果
歌手連詩雅（Shiga）與葉蘊儀（Gloria）一同到意大利為viuTV拍攝的《跟住矛盾去旅行》前晚出街，Shiga隨即被網民指「港女」、「偽ABC」，如她在意大利買飾物時爆：「My finger is very small.」在訪問時又自白說：「一路travel，好早就會返hostel」。另外，她手機不離手之餘，又將整個行程交給Gloria安排，兩人談到嚴肅的話題更甚有火藥味，其中Shiga的衫因被蜘蛛網纏住而大吵大鬧，被Gloria藐爆！
Shiga昨日接受電話訪問，她直言節目邀請兩人同遊意大利正正是因為兩人代表不同年代：「咁先可以擦出到呢個矛盾，事實上我哋真係唔同年代，當然會有唔同嘅生活習慣。我亦明白到，好多劇情都係節目嘅效果，所以我唔會太介懷。」她又表示可以同前輩出trip和工作非常難忘，又說：「對於觀眾嘅評論，我覺得每個人都有佢哋發表想法嘅權利。」
