蒙古少奶梁佩瑚 雞同鴨講冇交嗌

梁佩瑚與老公言語上雞同鴨講，笑料百出。

老公千杯不醉

忙完婚禮後，梁佩瑚昨日再受訪時透露，不少嘉賓昨早去打高爾夫球，她因宿醉及太攰未能陪同：「婚禮完咗後，同啲兄弟姊妹去唱Ｋ，個個都飲到醉晒，我仲飲到嘔，只有老公清醒，佢仲認叻話自己飲咗五支香檳，加無數中國白酒，我估唔到佢咁飲得！」

細佬買樓預佢

婚禮上不少親友都感動流淚，梁佩瑚說：「佢哋喊係因為我終於嫁得出，單身咗四十幾年，父母喺加拿大，細佬一直覺得我嫁唔出，所以佢買樓都聯名預埋我，又幫我買定好多保險養老，依家終於放下心頭大石！」不過，說到夫婦相處之道，竟然是雞同鴨講，她說：「爹哋知我脾氣唔好驚我哋嗌交，叫老公唔好同我嗌交，但我哋兩個語言不通，佢講國語，我講廣東話，嗌起交上嚟大家都唔知大家講咩，最後忍唔住笑，咁樣相處仲好！好似接新娘時，姊妹要佢用廣東話讀一段嘢，佢將『包容』講成『包養』，我之後睇番真係畀佢笑死。」

黃百鳴亦有出席婚宴。

梁佩瑚終於嫁出，兩個細佬都有出席婚禮。