徐子淇唔敢呻為災民落淚
愛心爆棚的徐子淇早前帶同二女李晞兒到尼泊爾災區進行慈善探訪，昨日她憶述當地居民的生活情況時，不禁感觸落淚。子淇表示女兒此行學會了珍惜，更計劃將來帶每個子女到不同地方探訪，幫助有需要的人。
「千億新抱」徐子淇昨日以首位亞洲贊助人身份，出席救助兒童會活動，她與老公李家誠同捐出1,600萬港元，幫助有需要的兒童。提到早前子淇與父母及6歲的二女李晞兒（Hayley）到尼泊爾災區探訪一天半，為了珍惜食水，全程她只洗了一次手，當她憶述當地的童工情況，以及一名母親要照顧兩名有特殊需要的小朋友，仍表現非常樂天，令身為四子之母的子淇感觸落淚：「我有時都會呻湊小朋友辛苦，見到佢咁，真係好佩服，要向佢學習。」
二女學懂珍惜
本來子淇打算帶兩名女兒同行，但大女李晞彤出發前一晚發燒，未能參與，非常可惜。問到Hayley探訪後有沒有改變？子淇指女兒返港後明顯學會了珍惜東西：「佢返嚟之後會好快食晒啲食物，仲會叫細佬食晒啲嘢。」她表示會再到不同的國家進行探訪，計劃分別帶一名子女同行。問她打算何時帶大仔李俊熹去探訪？她說：「佢5歲啦，差唔多可以。其實分開帶好啲，因為我去到要做嘢，怕照顧唔到佢哋。同埋單獨去可以傾多啲偈，成班一齊去，佢哋會掛住玩，分開會體驗得多啲。」她坦言此行老公亦希望同行，無奈公務在身未能同行。
文：名人組