區瑞強出動千五萬鑽石結他
堪稱「民謠宗師」的區瑞強（Albert）於下月26至28日在灣仔伊館舉行三場《區瑞強我們一起唱大演唱會2016》。逾20多年以Unplug演唱會聞名、多以彈木結他會知音的他，今次個唱作破天荒嘗試，出動由周大福與「冠玲瓏」合作、雷頌德設計的鑽石結他。該電結他由400卡美鑽鑲嵌於1.6公斤18K白金打造而成，獲「世界健力士紀錄」頒發「最有價值結他」證書，由於價值逾1,500萬港幣，令Albert為保險及保安問題而頭痛。
一生豪一次
前晚Albert接受訪問時稱其友人提議以鑽石結他開騷：「我開演唱會一向都冇華衣或好豪華嘅舞台設計，主要用音樂同樂迷交流，既然有朋友Line Up，咪一生人豪一次，支結他鑲滿鑽石，加埋燈光一定閃爆！」
問到投保費是否驚人？他表示已和保險公司聯絡，但未知價錢：「我彈呢支結他時，唔知會唔會有兩個保安傍住呢？我又擔心運送有意外，又或者唔會有人嚟打劫呢？真係好多嘢擔心，不過我形象健康，呢個演唱會部分收益將撥捐慈善用途，相信各方『好友』唔會搞我啩？」
睇好陳展鵬
他透露會有約9位嘉賓，包括陳展鵬、袁偉豪、黎瑞恩及湯寶如等，其中他特別點名讚陳展鵬及袁偉豪屬唱得之人：「展鵬係冇機會囉，我希望佢好似已故張國榮咁，離開亞視後就可以大紅大紫，依家佢簽咗無綫，發展都好好啦！」
