松松嗒張兆輝逼老公監場

無綫新劇《全職沒女》演員張兆輝與陳松伶昨日在將軍澳一間酒店拍外景，劇情講張兆輝與松松有過一夜情，松松見張兆輝後不停打嗝逃避對方，慌忙走避間烏龍百出，更扯跌大堆玻璃杯。

傻大姐氹丈夫

演傻大姐的松松自言角色似她，帶點神經質，她說昨天有不少動作場面，既要穿過枱底，又要跌落地，上午拍攝時手臂也擦傷。問松松拍動作戲可有難度？她笑說：「我呢個年紀就有啲難度，不過出汗就當做運動，可以伸展吓。」

劇情最後扯跌了一大堆玻璃杯。	演傻大姐的松松拍攝時要捐枱底。	松松笑言老公張鐸很享受她製造的笑料。（資料圖片）

張兆輝爆松松要求加親熱戲：「我哋有感情線，松松同監製要求加親熱戲，我諗都係擁抱、擁吻，錫吓冇乜難度，我哋都係專業。」問松松有甚麼親熱場面？她說：「唔知，到時先知。（老公批准？）佢知，我仲叫佢嚟探班，佢話邊有人會咁叫老公嚟探班。（老公會唔會頂唔順你嘅神經質？）佢都唔知幾享受，我製造好多笑料。老公之前嚟咗香港24小時陪我開工，之後返咗內地開工，我哋有個原則，係唔可以分開一個月，大家會抽時間探班，機票要自己畀。」

張兆輝建王國

張兆輝忙於拍電影及打理生意，漸漸覺得時間不夠用，預計每年拍一部劇。問是否忙於打理美容王國？他說：「唔係王國，慢慢學習，有好多新科技要學，唔可以停滯不前。」

文：影視組