bra閉女星喜百花齊放

周秀娜價錢要合理

周秀娜坦言搞內衣生意是為興趣，但由於不是自己專長，故要有團隊幫忙。她坦言現於深圳都開旗艦店，客源不俗。問價錢是否大眾化？她謂：「價錢方面合理，始終要計番成本，唔同功能內衣成本唔同，相對價錢都有異，但都唔會賣得太貴，而且依家客戶要求愈來愈多，有真人示範、介紹確實係令客戶多啲信心。」

黃宇詩着重舒適

藝人黃宇詩四年前搞內衣生意，兩年前正式建立門市。她直言門市生意比只做網上生意好做好多：「一個新品牌如果淨係做網上生意會比較難，因為啲客未試過會唔想買，但係有門市可以畀佢哋試就好好多。」她又指目前競爭大，除了款式要靚，舒適度亦是最重要的因素。她說：「其實依家最難係搵廠做貨，因為會擔心質素問題。」

陳松伶大玩物料「科技」

陳松伶與「美容教主」鄭明明開設自家美體內衣品牌一年，雖然面對經濟不景，但內衣店生意理想。松松坦言不太着重轉款式，反而着重內衣的「科技」。她事前花了一個月時間學習內衣物料的科技與知識，平日不用開工亦經常到舖頭坐鎮，除與客戶接觸，亦花時間培訓員工。她表示：「自己性格樂觀、正面，所以唔怕面對困難，比較難係開舖時要重新學習內衣科技知識，學習一門全新嘅科學。」