陳展鵬唔戴頭盔博人望
藝人陳展鵬、陳山聰、黃長興及徐榮等昨日到元朗拍攝無綫劇集《乘勝狙擊》，展鵬與徐榮分別駕駛三輪電單車，展鵬說：「啲車咁靚都心動，唔使戴頭盔，出街多人望！（同女仔一齊實望到？）如果拍拖OK！我報咗8月考電單車，拍戲係私家路，Check過冇問題，慢慢揸，好安全！」
山聰預告澳門拍外景會「碌卡」，他說：「我會碌阿哥卡，借車、餐廳拍。（澳門觸景傷情？）點會？我係澳門人，返屋企好開心，叫阿嫂煲湯我飲。（唔叫女友探班？）佢要返工。」
長興則說：「監製話想我搵啲車拍戲，代理商借最新款嘅畀我哋拍，黃色嗰部售價30幾萬，我鍾意自己嗰部！（拍危險鏡頭唔擔心？）揸得快，我上陣！我老婆下個月生，依家我都做咗假日司機，少咗出車！」