李居明懷念示範菩薩手印

跟梅葆玖稔熟的新光戲院大劇院行政總裁李居明,對於好友離世,他直言:「大半個月前,我已經知道佢昏迷咗,之前佢幫緊我哋一齣由京劇改成粵劇嘅《天女散花》任顧問,除咗提供佢爸爸當年演呢個劇嘅造型相之外,仲幫我哋影咗一啲劇裏面好有用嘅菩薩手印嘅相片,啲相畀咗我哋之後,佢就出事,估唔到呢啲相成為咗佢嘅最後工作照。」

李居明原本希望梅葆玖稍後時間來港,為粵劇版的《天女散花》給予更多意見,如今梅葆玖離世,李居明慨嘆這個劇都不能寫下去。李居明還表示梅葆玖的離世是新光戲院的一個沉重打擊,李居明謂:「佢最後一次嚟香港,就係舊年十月份,當時我哋喺酒店見面,佢仲好關注新光嘅續約問題,之前佢見到紅線女為新光戲院題字,都話要寫番一幅寓意新光戲院有好多演出嘅對聯相襯,對新光戲院真係好有心。」