鄭容和廚戰霆鋒 未鬥先流汗
韓團CNBLUE隊長鄭容和於片中飾演西廚，與大牌檔廚子霆鋒敵對，容和透露為投入角色而特地學廚，他說：「以前冇煮開嘢食，依家識煮咖喱同練咗刀法。（有冇試過霆鋒手勢？）未呀，如果時間許可嘅話，佢煮乜嘢畀我食都好。」期間他不停抹汗，問到是否不習慣中國的天氣？他即以普通話說：「熱死寶寶了！」
容和感激戲中飾演其女友的白冰耐心教他中文，問到是否期待吻戲？容和說：「唔係期待呢樣嘢，而係期待今次角色點演繹。」白冰則笑言起初得悉與容和拍吻戲時，擔心對方粉絲的反應，現已調整心態。而CNBLUE將破天荒與中國銀聯合作，推出CNBLUE與4位成員各自的銀聯卡，成為首隊獲內地發行信用卡的韓流明星。