謝霆鋒否認結婚：唔答唔得！
【林希孺佛山直擊】霆鋒、韓團CNBLUE隊長鄭容和、葛優、衛詩雅、白冰、唐嫣及英皇電影老闆楊受成、總製片人霍汶希等，昨午在西樵山國藝影視城出席新片《鋒味江湖之決戰食神》開鏡禮，電影公司花費千萬搭建而成的美食街主景亦告曝光。
特製乳豬蛋糕
開鏡禮上，霆鋒與鄭容和將其自家曲奇店師傅炮製的乳豬型蛋糕推出場，並向葛優拜師，葛優試食後大讚味道一流。而拜神儀式上，一身西裝打扮的鄭容和熱得不停抹汗，又不懂上香，最終由霆鋒及導演葉偉民代勞。
事後霆鋒孖住衛詩雅受訪，談到近日有指他很少與兒子Lucas及Quintus見面，霆鋒表示：「唔答，唔會答。（栢芝有錢財是非喎。）係咩？唔知，都唔答。（擔心囝囝？）唔答。（竇靖童出碟，有聽佢啲歌？）有。（唱得好過你？）咁又有幾難呢？（同王菲結婚？）唔係，唔答都唔得喇。」
唔會剝衫下廚
問到今次會否邊拍戲邊下廚？霆鋒笑說：「戲裏面每道菜我都有份研製嘅，啲拍檔都會當白老鼠試食。（今次拍戲唔使Chok？）唔知，可能我點做你都話我Chok呢！」今次霆鋒扮演大牌檔廚師，問到會否脫衣煮餸？他笑說：「唔會，最緊要睇落衞生嘛！」在旁的衛詩雅則大讚霆鋒臂力勁：「佢可以單手拋鑊，我就雙手都舉唔起。」又透露因拍戲時經常試食「霆鋒出品」，故每日收工即返酒店做運動消脂。
另外，葛優對於今次與謝霆鋒及鄭容和合作很高興，由於他與投資者楊受成私交甚篤，故欣然答允是次演出，問到是否饞嘴？葛優說：「我沒有忌口，尤其嗜辣，很喜歡川菜。」
文：影視組
攝：林蔚恩