黃宗澤早知老友分手

藝人黃宗澤（Bosco）與梁烈唯曾與金剛合作，Bosco坦言比大家早知金剛與蕊蕊分手，也知金剛搬走了，Bosco謂：「大家畀啲空間佢哋！都係嗰句，和平分手，兩個大人識得處理喇！我哋局外人唔好加把嘴。（有指蕊蕊曾自殺？）唔知喎，唔會啩！我冇聽過。」唯唯坦言不覺金剛有異樣：「緣分啲嘢好難講，有啲人話性格好夾先得，有啲人話兩個人相處要一凹一凸先好，我覺得最緊要開心。」
黃宗澤(左)
黃宗澤(左)

與蕊蕊傳過緋聞的陳偉成則「抽水」說：「我覺得佢（蕊蕊）可以化悲憤為力量，做多啲gym迎夏日。（之前同你一齊有冇成日鬧交？）吓？我冇同過佢一齊，之前嘅嘢唔講喇，佢有咩事可以搵我。（平時會同佢聯絡？）佢間唔中會嚟我gym room吹水，但冇點講感情事。」金剛老友阮兆祥昨日則在電台節目爆料，原來他與金剛、蕊蕊做過一年鄰居，兩年前他與金剛碰面閒談，金剛跟他說過與蕊蕊感情出現問題。

陳偉成
  • 陳偉成