翠如怕鬧交：蕭正楠好就我

藝人黃翠如昨日出席護膚品牌新店開幕活動，對於《東網》昨日獨家披露金剛與蕊蕊分手，曾與金剛合作過綜藝節目的翠如說：「兩個人嘅事，第三者冇得comment，關係從來係最難理解嘅學問。」問她如何跟男友蕭正楠相處？她坦言：「佢好就我，我哋兩個都好怕鬧交，冇乜嘈過。」
黃翠如坦言與男友蕭正楠「冇乜嘈過」。
黃翠如坦言與男友蕭正楠「冇乜嘈過」。

與金剛合作無間的DJ小儀，表示之前亮相金剛主持的《男人食堂》時不覺對方憂愁，也覺得不用安慰他：「佢咁大個人，可能佢都考慮咗好耐，覺得兩個人真係好唔夾先要求話分手。」問她會否介紹女仔給金剛認識？小儀笑說：「等佢介紹男仔我識先，我先介紹女仔佢識，佢要嗰啲咁hot嘅女仔，好少喎，佢靠佢自己啦。」至於與金剛合作拍戲的徐子珊說：「我唔係好清楚佢哋分手啲嘢，但近排宣傳唔見佢特別唔開心，冇乜異樣。」

小儀笑言不會介紹女仔給金剛認識。
  • 小儀笑言不會介紹女仔給金剛認識。
徐子珊指不覺得金剛心情有異。
  • 徐子珊指不覺得金剛心情有異。