歌手AGA（江海迦）昨日一身紅噹噹亮相新碟簽唱會，與歌迷玩遊戲時為男歌迷搽唇膏，並獲送花、鋼琴造型蛋糕及大隻佬手臂咕o臣。談到新碟銷量直逼一萬張，快達到金唱片，她說：「完全冇諗過，初初有得出碟已經好開心，更加冇諗過可以金唱片，係好振奮嘅消息。（點慶祝？）希望抽到一日同屋企人食餐勁慶祝吓。」她又希望可以盡快舉行演唱會，而當母親以神秘嘉賓身份出現獻花時，AGA十分開心。
