鄧麗欣打波順便（目及）仔

由女星鄧麗欣（Stephy）領軍的Loey排球隊昨日參加「第三十六屆全港公開排隊錦標賽女子丙組初賽」，現場未見Stephy同性緋聞好友鄧洐敏（小牛），Stephy說：「佢（小牛）喺台灣都有比賽要帶球隊出賽。」
Stephy（中）與隊友為晉級搏晒命。
Stephy（中）與隊友為晉級搏晒命。

好友楊愛瑾周六（30日）將舉行婚宴，Stephy分手男友方力申（小方）明言為免成焦點會缺席，Stephy說：「我知呀，或者到時有surprise啦。」又說雙方分手後仍是朋友，有電話聯絡但沒有見面。至於小方早前到美國欣賞籃球賽時，被指（目及）實訪問他的超索女主播，Stephy表示沒有睇報道：「我專心打波。（小方話已經望到好斜。）唔通佢瞌埋眼做訪問咩，佢都解釋咗啦，咁我都（目及）吓有冇男仔先。」不過她否認急於拍拖，只是急於贏波：「依家係敏感時刻，邊個嚟邊個死。」勤於練波的她自言兩邊盆骨受傷，而昨日其球隊連贏兩回合，順利晉級下場球賽。

Stephy在球場上落力殺球。
  • Stephy在球場上落力殺球。