梁佩瑚爆老公射住求婚
昨日娛樂圈喜事重重，前港姐季軍梁佩瑚與商人老公於三亞舉行婚禮，佩瑚更自爆獲老公「射」出真誠求婚！而前無綫主播蔡雪瑩則與圈外男友結婚，更承認雙喜臨門。
娛樂圈近日喜事連連，1989年港姐季軍梁佩瑚昨日於海南島三亞低調舉行婚禮，與蒙古商人郭雲飛擺酒結婚，其藝人弟弟梁焯皓、好友戴辛尉、余宜發、黃百鳴等盛裝出席見證喜事。45歲的梁佩瑚以一襲紅色Tube Dress現身，司儀起哄叫一對新人咀嘴，佩瑚即大方擁吻老公並笑說：「我哋好鍾意咀o架！」
拍拖半年 爆笑畀「精蟲」打動
身在三亞的佩瑚接受電話訪問，透露與老公相識經過：「拍拖唔夠半年，識一個月就決定結！」自言是烈女的佩瑚直言不想浪費時間：「佢離過婚、事業有成，擔心過佢唔想結，所以一拍拖就問佢，佢就話可唔可以快啲結！」兩人來自不同背景，佩瑚自爆與老公各自因普通話、廣東話欠佳發生過不少笑料：「佢話：『甚麼都沒有，只有精蟲，你不明白嗎？我可以射給你！』最後佢『寫』畀我睇，原來佢想講只有『真誠』！」她透露老公在她父母面前跪地求婚，感人情節卻遭梁爸爸打破：「爹哋同佢講我脾氣好難頂，點知佢話知，仲話頂得順！」
文：影視組