李君妍斯文乖女型得起
無綫女藝人李君妍（Aurora）有一副標致面孔，藝訓班出身的她，曾參加武術選秀節目《功夫新星》。她坦言不想被定型為斯文乖乖女：「平時我畀人嘅感覺係個斯文乖乖女，其實我都有夾band o架，都試過啲型格打扮。我希望將來都可以喺劇集入面演一個又cool又型又女人，好似之前佘詩曼喺《天與地》入面個角色咁。」
不想局限演乖乖女的Aurora，最想挑戰內心複雜的角色。她謂：「其實我都演出過唔少劇集，但我希望將來可以被分派到一個立體o架嘅角色，即係喺人物關係圖度出現嗰種。我最近喺劇集《幕後玩家》入面跨出咗一步，獻出咗自己嘅螢幕初吻，我覺得自己愈來愈大膽，都想睇吓將來可唔可以再試吓其他更刺激嘅場口，希望觀眾可以睇到我喺演出上面嘅努力。」
Profile生日：3月16日
身高：165cm
體重：48kg