瑪姬開餐偷師炮製巨型煎堆
藝人瑪姬視烹飪為樂趣，早前她到朋友新開張的餐廳捧場時，乘機向廚師偷師。領悟力強的她即席炮製巨型煎堆，煮起來似模似樣。這個大過籃球的煎堆製法看似複雜，但瑪姬則指難度不大，更笑言自己只負責淋油。
瑪姬笑謂：「都係喺麵團不斷淋啲滾油上去等佢脹大。（點食法？）剪開佢然後點雪糕食。」問她怕不怕被滾油彈到？她即稱冇有怕：「全程都有師傅傍住，同埋淋油個勺咁長！（咁多油唔怕食肥？）好味嘅嘢就一定肥，豁咗出去o架喇，搵錢都係為咗食。」問她回家後會否抽時間再操刀炮製這款新潮fusion甜品？她笑謂：「冇可能啦，都冇咁大隻鑊可以整，仲要用咁多油先整到。」
