蔡一鳳失而復得尋回萬元手袋

前亞視高層盛品儒太太蔡一鳳（Michelle）前晚出席時裝派對時，遺失價值萬幾元的Valentino手袋，至離開派對仍未尋回。Michelle說﹕「我離開咗個位短短一分鐘，個袋就唔見咗，搵咗好耐都搵唔到，已經報失兼取消咗張鑽石級嘅信用卡，冇報警，費事勞師動眾。最心痛係唔見咗個手袋，當時喺巴黎買，嗰隻色同個款好少有，依家買唔番，惟有當破財擋災。」昨日黃昏時分，蔡一鳳開心表示品牌聯絡了她，指在現場找到其手袋。她最終在晚上取回手袋，而袋中所有物件及金錢齊全。