蔡一鳳護家有功血拼無上限
前亞視高層盛品儒與老婆蔡一鳳早前經歷小三風波後，夫婦感情有增無減。兩人早前又做連體嬰結伴到東京。盛品儒帶同太太同行公幹，包機票酒店之餘，更任由太太碌卡血拼無限額，當作保家成功的獎勵。
蔡一鳳（Michelle）早前捍衞家庭，成功擊退小三，與老公盛品儒重修舊好。兩人更經常做糖黐豆，去到邊都行孖咇，剛剛兩人就同遊東京。東京之行主要是盛品儒到當地開會，而Michelle則貼身做跟得夫人。問到她是否人盯人，防小三再埋身？Michelle笑言：「唔係，今次係佢邀請我一齊去。佢買埋機票同訂好晒酒店，話想我陪佢買衫，今次買咗成十幾萬靚衫，老公好開心。佢着嘅西裝多數係我幫佢揀，佢自己唔識襯。我同佢各自買咗五大袋。（老公任你碌卡？）係，佢話獎勵我。不過我過意唔去，買番好多嘢畀佢。」
豪遊東京狂擦鮑魚
短短五天的行程，兩人已有十袋戰利品而回，更豪住東京四季酒店，吃了多餐名貴鮑魚餐，可謂名副其實的東京豪華團！旅行期間，Michelle趁老公開會，獨自到新宿御苑賞櫻花。她坦言實在等不及老公，便一個人去賞花：「老公話好慘，話我唔等埋佢去睇櫻花，因為下晝4點半公園就關，所以冇等佢。」
文：名人組