杜如風冇底線打假波抗敵
無綫節目《関西攻略》昨日在將軍澳舉行記者會，節目主持杜如風以日本忍者造型亮相，節目中杜如風除了以藝伎look遊街，更會破天荒浸溫泉，似乎要挑戰浸溫泉出位的張秀文、朱智賢等咪神，她笑說：「守咗咁多年唔落水，一向賣感性唔賣性感，但係監製話唔落水，就要扣人工，我都驚浸溫泉畀人投訴，但係為咗要打仗真係冇底線。」
「邊個出糧幫邊個」
杜如風揚言《関西攻略》要打ViuTV節目，笑謂浸溫泉環節是秘密武器，更表示對節目有信心，問是否與《跟住矛盾去旅行》對打時，她寸謂：「係咩？仲做緊？做咁耐就唔好啦，要精益求精。（你之前都做過now TV？）之前吖嘛！邊個出糧畀我就幫邊個打，哈哈。」問浸溫泉是否秘密武器，絕對係，自己從來冇除過。（着三點式泳衣？）點止，冇底線，(口靚)模我就做唔到，我係阿婆浸溫泉呀。」不過原來她是「打假波」，僅是企在紙牌後影相而已。
杜如風拍攝節目期間父親杜惠東離世，她說：「可以陪住爹哋走最後一程，已經冇遺憾。（有冇影響拍攝心情？）拍緊就冇影響，但有晚都喊到好慘烈，喊到對眼微絲血管都爆埋。」
文：影視組