電視爆收視戰 秋生：我貪錢但有態度
藝人黃秋生及汪明荃前晚在電視城亮相節目《2015香港藝術發展獎頒獎禮》，秋生透露9月公演新劇將飾演「精靈王」，還笑言以「爆肌」張家輝為藍本去操肌：「好多嘢搞，（背肌）要變蝴蝶先得。要搵家輝個教練教我。（操到佢咁大隻？）最好啦！我對手係余安安，唔操點得呀！」
最近客串無綫劇《愛‧回家之八時入席》的秋生談到ViuTV與無綫搶收視時，他大讚健康似拔河，問他可會為ViuTV做節目？他即抽水笑言：「要夾鼻插眼嘅，唔好叫我喇！（若果搵你同王晶去旅行拍《跟住矛盾去旅行》呢？）更加免喇，我個人少少貪錢，但都有少少態度嘅。」
而汪明荃被問到與羅家英合演粵劇的排練情況時，她表示家英忙於在橫店拍劇，至7月才能「合體」綵排：「我先做好自己，再配合佢。佢係叔父輩，唔使排咁多。」
