金剛出毛招贏Bosco
藝人金剛與穿貼身裙的方皓玟前晚在九龍灣一間戲院為電影《刑警兄弟》謝票，二人透露連日於內地跑足60幾間戲院謝票，方皓玟更爆有內地觀眾嗌錯金剛做「Bosco」（黃宗澤）：「係咪好驚？聽到嗰陣笑到我肚都孿！」拍照時，金剛搞笑地嘗試用樣遮住布景板上的Bosco，還堅稱與對方樣貌相差不大：「係多毛過佢！」猶記得兩年前網上瘋傳疑似金剛的春宮片，他亦以「我邊有佢咁多毛」否認後，再次搬自己的體毛上台。
指方皓文想鹹濕自己
而早前金剛在首映禮時曾表示見到飾演其母的金燕玲，即有飲奶感覺，今次自誇「毛」贏Bosco的他繼續講「有味」話題，指不少女性朋友看《刑》片後有「特別反應」：「佢哋話睇到濕晒！笑到眼角都濕哂！」方皓玟即制止金剛：「唔好恃住講唔正就亂噏嘢！（佢有冇鹹濕你？）佢唔敢！」而問到是否因只得金剛陪伴才收埋身材，她即賣番口乖：「其實金剛都好好，佢間新咖啡店可以憑飛尾換咖啡。」反而金剛仍然指是她想鹹濕自己，相當搞笑。
文：影視組