莫文蔚「撞歌」 被迫讓路
Prince與香港甚有淵源，03年他曾來港為《維港巨星匯》打頭陣任表演嘉賓，可惜反應一般僅得3成人入場，最後要拆座位兼送票。另有傳當晚Prince與暖場嘉賓莫文蔚（Karen）發生「爭歌」唱事件，有指Karen原本想唱Prince作曲的《Nothing Compares 2 U》，但Prince亦有意唱，Karen終被大會臨時要求唱少首，對於Prince離世，身在歐洲的Karen暫未有回應。
Prince粉絲的杜德偉亦感難過：「今日（昨日）同好多美國、加拿大嘅朋友、前輩好似鍾鎮濤都係傾Prince，大家都係聽佢啲歌長大，我唱過佢首《Kiss》，翻唱過就知佢功力，佢係傳奇歌手。」身在英國的李玟（CoCo）表示自小就聽Prince的音樂：「米高積遜同Prince都離世，對樂壇係沉重損失。」
容祖兒的《男朋友與歌》歌詞中亦曾出現「到了廿四今天，深愛的只有Prince。」祖兒讚Prince的歌很特別：「好慶幸當年黃偉文喺歌詞中寫過有佢嘅歌，令到我對Prince更留意。Prince嘅前衞表演藝術，對好多後輩歌手都有影響。」
已故歌手羅文亦曾將Prince的《When Doves Cry》改編為《午夜怨曲》，羅文拍全裸照做唱片封面後，Prince亦同樣推出過全裸唱片封面；另一已故歌手陳百強在專輯《百強84》也改用Prince的電子音樂風格。汪峰、吳彥祖及吳嘉龍等都有在社交網留言哀悼。