胡杏兒唔得閒造人
藝人胡杏兒昨日為國際美鑽品牌Forevermark拍攝專題特輯，戴上40卡鑽飾現身的她，表示身上此套「永恒的幸福」首飾是無價寶，寓意各新娘子亦得到幸福。
問到老公李乘德有否多送鑽飾給自己？她說：「結婚嗰時已經送咗一套畀我，夠o架啦，鑽飾係女仔都鍾意，尤其係自己鍾意嘅人送就最開心。（有冇收藏鑽飾？）唔算好多，都係近呢幾年先有買畀自己，之前冇錢買，依家就梗係老公送。（最貴嗰套首飾幾錢？）一定唔係7位數，首飾唔一定好名貴，但邊個送都好緊要。」她續表示自己婚後工作較以往多，沒有時間煮飯給老公吃及造人：「順其自然啦，（圍村係咪要快同多？）咁我又冇呢個家規，（有冇壓力？）冇呀。」