黃浩琳封陳柏宇做「磁」父
組合Trekkerz以及創作才女黃浩琳（Lillian）近日接受了東網電視《娛樂onShow》訪問，曾與歌手陳柏宇合作的Lillian讚對方的磁性聲音有「爸爸」的感覺，被對方照顧覺得好warm。Trekkerz期間除大談新歌《天生發呆》，主音葉巧琳更自爆曾於學生時代偷（目及）男同學的趣事，即被在旁兩位男隊友「詐型」！
創作才女黃浩琳（Lillian），日前接受了東網電視《娛樂onShow》主持李文珊（Sherman）訪問，分享早前與前輩陳柏宇（Jason）合作歌曲《牆外之音》的點滴，認為Jason的磁性聲音很有「爸爸」的感覺：「我同佢一齊夾歌，我錄音畀佢聽之後，到佢覆我嗰陣把聲好鬼磁性，好似爸爸咁。有時同佢出show，佢同fans交流完，都會回頭睇吓我係咪仲喺佢隔籬冇走失，好warm啊！」
加工變發呆
至於由主音葉巧琳（Mischa）、結他手Mike及鍵琴手Pong所組成的組合Trekkerz，談及近日推出的新歌《天生發呆》，表示歌曲其實一早已完成，惟後來獲填詞人林寶「加工」，才演變成如今的版本：「呢首歌一早就作咗（口架）喇，一出嗰陣我就叫咗另一個朋友幫我哋填詞改做《天生我才》，畀咗林寶填詞之後就加咗啲gimmick落去，變咗做《天生發呆》，呢個名都會多人記得啲！」
愛望男同學
問到歌曲內容時，作曲兼鍵琴手Pong就指：「做人唔使吓吓去到盡，有時人哋以為你發緊呆嘅時候，其實嗰陣可以諗好多嘢做好多嘢，唔使同人交代自己有幾叻。」一同畢業於演藝學院的三人與主持人大談讀書時代的難忘趣事，Mischa更搶答自爆喜歡偷望隔籬班的男同學，即時令兩位男隊友呷醋，場面搞笑！想知更多精彩內容，請快看《娛樂onShow》！
文：專案組
場地：Flower Music10