Isaac 控制奧巴馬入主白宮
【甄子健新加坡直擊】HBO電視劇《權力遊戲》（Game of Thrones）第6季下周一將於now TV 115台首播，該劇17歲英國童星Isaac Hempstead Wright，早前到訪新加坡ION Orchard商場現身劇集主題展覽，除試玩虛擬遊戲，更與粉絲一起慶祝生日。首次到亞洲的Isaac接受本報記者訪問，表示去了動物園與空中花園參觀，又品嘗多種地道美食。
Isaac於5年前參演劇集，年紀小小的他被問接觸亂倫與暴力等劇情會如何面對？他指綵排時遇到兒童不宜情節會行開。Isaac笑言：「好彩我冇因為咁有童年陰影！依家我大個咗，會同爸媽一齊睇劇集，但有時都會幾尷尬。」現在比最初參演時高了3呎的他，臉上少了稚氣，外觀大變，他笑言暫時未有在街頭被粉絲認出，但如果能夠與粉絲交流劇情會很開心。
讀書分心
Isaac於劇中有「上身」超能力，被問到如果現實中有超能力會怎樣？Isaac 說：「會好好玩！我可以控制奧巴馬，入主白宮。」他又指平衡工作與讀書很困難：「尤其係今季，我喺貝爾法斯特拍劇時雖然有私人教師跟身，但會好容易分心。」再問他視哪位明星為模範對象時，他想了一會才答：「其實冇，但《權》劇台前幕後都好專業同友善，冇人會耍大牌，對我嚟講佢哋就係模範。」