莫穎彤口味另類 最冧眼鏡男
近年女神氾濫，自稱女神的人比比皆是，但何謂真女神？新一代清純女神莫穎彤樣子甜美，動靜皆宜，更擅長打籃球，應該滿足不少港男的條件。不過口味獨特的她，偏偏情有獨鍾眼鏡男，她笑言：「我啲朋友都笑我鍾意非主流。」
新進女模特兒莫穎彤（Judy）身形嬌小玲瓏，樣子甜美，帶點鄰家女孩感覺，輕易俘虜一眾宅男。入行前，Judy在大學修讀廣告系，加上過往有許多拍攝獨立短片的經驗，故她面對鏡頭絕不怯場。為了增值自己，去年Judy跟詹瑞文學戲，更大讚對方風趣幽默。
熱愛打籃球
雖然Judy外表看似文靜，但原來她是個運動女孩，更擅長打籃球，並從中學懂待人接物。她雀躍地說：「我由五年班開始打，雖然唔係話打得好出色，但對自己嚟講係一直以嚟堅持嘅興趣，培養到自己做所有嘢都有份堅持同堅毅。」問她是否鍾情運動型的男生？Judy笑指自己性格外向愛說話，反而會選擇較文靜的男士，皆因對方可以做自己的聆聽者，最好對方是知識淵博，還搞笑指自己喜歡非主流的男生：「唔係好鍾意大隻，反而偏向鍾意瘦削啲嘅男仔，同埋要戴眼鏡，好文藝型。」
欣賞林嘉欣
Judy又稱視偶像林嘉欣為目標，若有機會很想跟對方一同演出。她謂：「佢除咗係個好演員，仲係一個好好嘅女性榜樣，所以好欣賞佢，係個好值得我去學習嘅前輩。」問到最想演甚麼角色時，她直言經常扮演清純學生妹，所以很希望嘗試做一些較男仔頭的角色。她笑謂：「唔好睇我好似咁斯文，其實我本身都好粗魯。」