錢小豪自認錢輩

藝人錢小豪及趙學而早前參演夏雨監製電影《救殭清道夫》，因電影有大量夜戲，氣氛較陰沉，兩人就化身開心果，狂搞爛Gag為劇組提神，期間學而取笑小豪是前輩，小豪說：「你想話我係長者啫！前輩我就認嘅，我姓錢，係『錢輩』。」
錢小豪和趙學而一見面就鬥嘴互窒放笑彈。
錢小豪和趙學而一見面就鬥嘴互窒放笑彈。

講到片中動作連場，小豪表示愈來愈難應付：「成長咗嘛！都做到，但吃力啲，希望新一輩好似同片嘅Babyjohn（蔡瀚億）可以接替到。」學而即笑說：「所以你唔肯教我囉！嫌我年紀大！」小豪說：「其實你同我差唔多，就嚟可以兩蚊搭港鐵o架喇！」學而又笑言雖然夜戲多，但老公非常支持，小豪再笑說：「見少啲，減少摩擦仲好啦！」

挑戰連場動作戲的錢小豪瞓身上陣。
  • 挑戰連場動作戲的錢小豪瞓身上陣。