李璧琦拋胸晒腿谷生意

藝人李璧琦（Becky）近日與朋友投資約六位數字，開設冷氣機配件專賣店，日前她以「人肉生招牌」擔任代言人拍攝廣告。身穿低胸短裙的Becky大騷事業線及長腿，散發性感女人味。她謂：「我本身係一個勁怕凍嘅人，去到餐廳成日都覺得啲風吹落我度，要成日調位，所以就同我拍檔設計咗冷氣機風擋，咁就可以自己去調教風向。」
李璧琦罕有晒身材。
李璧琦罕有晒身材。

甚有生意頭腦的Becky表示會將價錢定得平民化，希望可以吸納客源。她說：「依家主力都係網上賣，嚟緊會去餐廳、辦公室、老人院同學校宣傳。」推出不久，Becky坦言訂單接踵而來，連新加坡商人亦有興趣，主動向他們接洽當地的代理權。問她會否忽略幕前工作？她即說：「向來我都係鍾意做嘢多過瞓覺，所以係唔會影響我幕前工作。」

李璧琦不擔心做生意會影響工作。
  • 李璧琦不擔心做生意會影響工作。