曾路得生日旅行避開學生
歌手曾路得日前到電台宣傳新碟，她指新碟主題是鼓勵抑鬱症患者或受過心靈創傷的人。曾患癌症的她說：「我生cancer嗰陣係快樂，因為如果唔樂觀會好易復發。我係好多年前有抑鬱，嗰陣唔同得人哋講你有抑鬱，人哋會以為你有精神病。（患抑鬱時最嚴重有冇諗過自殺？）未去到呢個地步，我只係跌咗落個窿度，好似爬極都爬唔起身，好辛苦，但我嗰陣冇食藥，靠宗教慢慢好番。」
另外，下月生日的曾路得被問怎樣慶祝？身為歌唱老師的她笑言：「其實每年生日我都會食好多餐飯，因為我有好多學生，但我唔想佢哋破費，所以我要『避生日』，到時會同老公同仔去新加坡旅行。」