陳山聰唔夠「殭」搶嘉穎風頭

陳山聰在無綫新劇《殭》中飾演殭屍，與不死人鄭嘉穎大鬥法。在宣傳片甚為搶鏡的他表示因同期趕拍《刀下留人》，故只能客串數集：「仲減咗戲，因為度唔到期。（好似搶過嘉穎？）點會？冇人可以搶過嘉穎，錯覺嚟啫。個promo裏面我多咗兩滴血，視覺效果啫。」為殭屍角色戴超大黑con的他亦要黐超長假指甲開工，他笑言：「有一晚真係好急頂唔順，就哀求個化妝師幫我除褲。（幫你扶住？）咁又唔使。」

從來冇見過鬼

最近山聰公開與圈外女友Apple相戀，但不時有報道指他翻撻前女友何家千金何超雲，他重申與前女友沒任何聯絡：「所謂翻撻唔係事實。（同有錢女拍拖，見過鬼怕黑？）第一，我就從來冇見過鬼；第二，其實我都係一個好平凡嘅人，過去咗嘅嘢唔回應喇。」他又稱不會將兩任女友作比較：「我覺得我有公子病添呀！」

放大圖片	曾經跌谷底的陳山聰，很珍惜重返無綫的機會。	鄭嘉穎係劇集男主角，陳山聰唔敢搶對方風頭。

以結婚為目標

山聰坦言不希望Apple承受娛樂圈的壓力，但指女友沒有因報道而不開心。他說：「我哋成件事都冇太大反應，最大反應應該係我阿媽，因為佢好開心。」問到是否以結婚為目標？他謂：「我哋係有共同嘅目標，希望完成到呢件事。（希望今次係最後一段愛情？）我真係希望係，人大個咗就知道要珍惜當下。（秘婚？）結婚係兩個人嘅事，我都會低調，會有呢一日，但係未知幾時。」

文：影視組