林峯瘦剩麒麟臂底褲唔啱着
月底開騷的林峯近日閉關操練，前晚在錄音室排練時大騷麒麟臂，變V面的阿峯更自爆「瘦到底褲都甩」！他又透露忙到連見女友吳千語的時間都沒有，惟有趁住放狗偷時間約會。
歌手林峯將於月底舉行《HEART ATTACK LF LIVE IN HK》一連三場演唱會，前晚他現身錄音室排練大晒多個月來地獄式操練的成果。
廿年來最輕
自爆由160磅減磅至139磅的阿峯以V面登場，又大騷麒麟臂，他表示：「我唔係睇磅數去減，不過上星期做完運動見到有個磅就上去磅吓，磅到係139磅，係我呢廿年嚟冇試過咁輕。」激減21磅的阿峯笑言好多衣物碼數都因此而不合身，更自爆由外至內都要換新：「全部Boxer（孖煙囪）都要買過。」他表示就算開完演唱會都會繼續Keep住Fit爆身段：「因為真係好搏命先練到番嚟，唔捨得畀自己脹番，但食嘢都要食嘅。」
放狗當拍拖
問到女友吳千語是否滿意肌肉的「手感」？他笑言要問女友才知，又話因為是閉關修煉，通常放狗先見到千語BB：「佢見到我身形，都有鼓勵嘅，我所有身邊人，好似爹哋媽咪見到我，就話瘦咗要食多啲，怕我台上唔夠力唱，我同佢哋講放心，我舉重個磅數仲重過以前，因有做運動好健康。」他直言初初操練時食量減少令血糖變低會「坐低起身見頭暈」，現在已經適應，唱歌方面絕對夠氣！問到開騷時可會效法杜德偉除剩三角褲？阿峯笑謂：「褲要着嘅，咁個個人Style唔同，我又冇乜練下身。」
文：音樂組
攝：司徒國榮