陳煒片場爆樽「舊愛」全身遭殃
陳煒與黃光亮等昨日為新劇進行拜神「響頭炮」，化身巴辣「阿嫂」的陳煒自爆角色愛爆樽，除了武師遭殃外，劇中演其舊愛的黃光亮自爆最傷：「畀佢周身爆啊！」
陳煒、黃光亮、陳山聰與沈卓盈等昨日為下周播出的無綫新劇《火線下的江湖大佬》進行拜神儀式，飾演「江湖大嫂」的陳煒以火辣打扮晒「線」現身，自爆角色既傻又癲，還最愛「爆樽」，透露曾不慎整傷武師：「我個角色最鍾意爆樽，由後生爆到依家。（好擅長爆樽？）試過爆過幾鑊，仲整親武師！」身旁扮演陳煒前男友的黃光亮亦自爆遭殃：「佢都有爆我啊！（爆你邊個部位？）畀佢周身爆呀！」
陳煒又踢爆黃光亮於劇中被苑瓊丹「收服」，他亦笑言怕咗對方：「只係好佬怕爛佬，爛佬怕苑仔！不過男人有時要讓女人。」問到劇中有否動作場面？黃光亮自言演文戲亦演得激烈，陳煒則讚對方的身手好：「見佢對住馬路邊啲鐵欄，一嘢就跨咗過去！」他聞言即自認後生：「不嬲都有郁吓身體，唔郁嘅話筋骨會硬！」
陳山聰慘食鹹豬手
同場幫手舞獅祈福的陳山聰透露，劇中會與岑麗香親身上陣拍攝半空舞獅場面，盛讚對方聰明又大膽：「有場企上梅花樁舞獅場口，香香都要求自己做番！我都驚驚哋，畏高嘛！」他又搞笑自爆於劇中經常被首次合作的苑瓊丹「揩油」，一度被摸到忘記對白：「陰公，對我周身摸！成個上身畀佢摸勻，除咗下身。試過我要一路讀台詞、一路被佢摸，但佢專揀敏感部位，搞到我唔記得台詞，要嗌停佢。」
文：影視組
#