鄭則士黃光亮鬥戲擦出火
鄭則士及黃光亮於無綫新劇飾演過氣江湖大佬，二人戲裏戲外都相當「好火」。有傳二人拍攝初期時不咬弦，最終由拍檔苑瓊丹使出「雞髀打人牙骹軟」，令二人化干戈為玉帛，現時更經常相約飯敍，難怪該劇女主角陳煒笑謂：「我哋真係好齊心嘅。」
由梁材遠監製的無綫新劇《火線下的江湖大佬》將於下星期一（4月25日）晚上八時半首播，走輕鬆路線。劇情講述鄭則士與黃光亮年少時因生活困苦而被迫吃江湖飯，後者更因走私被判入獄，前者則退下火線開設飯館。鄭則士因照顧黃光亮女友陳煒而彼此漸生情愫，最終結為夫婦。20年後，黃光亮出獄找鄭則士算帳，加上未能適應時代變遷，因而發生連串故事。
題材「貼地」
梁材遠指《火》劇帶出仗義每多屠狗輩的正面訊息，是近年少見的「貼地劇」，相信容易引起觀眾共鳴。提到鄭則士與黃光亮首次合作擦出「火花」，梁材遠謂：「佢哋兩位都係大哥級，啱啱開劇嘅時候真係有啲唔夾，大家都各自有要求，好彩後來苑瓊丹帶咗好多食物入廠，搞到好似大家邊開工邊食自助餐，鄭則士主動同黃光亮傾偈，咪乜事都冇囉。佢哋依家識英雄重英雄，仲不時約埋食飯添。」
對於鄭則士與黃光亮的「駁火」場面，陳煒笑謂：「係有啲『沙沙石石』，但我一啲都唔驚，咁佢哋嘅角色都成日有衝突場面嘛，況且大家都係對事唔對人，總之今次台前幕後真係好齊心。（同佢哋合作覺得點？）鄭則士以前合作過，都算打咗個底，佢又好鍾意教人做戲，我就邊開工邊上堂咁囉。」
陳煒有喜感
梁材遠對陳煒演出讚不絕口，認為她喜劇細胞可媲美電影《審死官》的梅艷芳。陳煒得悉後開心表示：「依家啲觀眾都需要啲輕鬆嘅題材，能夠多一條路線演出，梗係唔介意啦。」
文：影視組