藝人高皓正與何韻詩同行拍攝旅遊節目，有指阿詩在拍畢節目後獨自去流浪遇上色狼，高皓正表示知情，昨日他受訪時說：「佢出事時一直有同我Whatsapp聯絡，我梗係緊張同擔心，不過佢同我哋講嗰陣已經係安全。」問他知否有關細節？他說：「係naive（天真）同勇敢囉，都係有先兆嘅，入屋見到好多酒樽，以為芬蘭人鍾意飲酒，以為冇問題。」
他又指阿詩外表剛強，其實內心比「啫喱糖」更軟，指她因事件「驚到傻」又全程直擊事件給劇組知，他搞笑地說：「佢自己都唔太知佢係一個靚女，芬蘭人都對佢有興趣！」