拎叉電器 前車急停猷君撞傷唔告司機
在美國麻省理工讀書的何猷君，前日往機場返港途中發生交通意外，眼角受傷。他於昨晨五時半抵達香港機場，甫見記者即揮手say hi，談及傷勢，他舉起拇指示意OK，問會否擔心毀容？他笑笑口說：「冇事。（有冇其他傷？）條頸有啲痛。（使唔使縫針？）黐咗膠布。（家姐超盈好擔心你？）應該。（媽咪擔心你，有冇打畀你？）梗係擔心，我打畀佢話佢知。」他又親述意外發生的經過：「咁啱想拎叉電器，前面架車無啦啦停，仆咗一下，撞到架車個勾。（叫司機賠償？）唔使咁麻煩，佢打工，唔關佢事。（流好多血？）係，（傷口）深。」由於最近的醫療設施在機場，故他到機場後才消毒及貼膠布，希望不用縫針。
問到新加坡富家女友林慧俐（Kimmy）有否致電慰問，他說：「大家都有，好朋友都有。（嚟探你？）佢有工作，睇吓點，唔清楚。」提及超盈勒令他落機即到醫院驗傷，猷君說：「返屋企先，晏啲先去，唔想嘈醒家姐。」他上車前多次表示自己傷勢OK，並雙手合十多謝大家關心。而身在澳門開會的四太，昨日傍晚透過電話表示仍未見到猷君，但已叫超盈帶他看醫生。
「破相」的何猷君，昨晚10時許，數分鐘在IG連彈發放三條片自彈自唱周杰倫的《最長的電影》片，表達受傷後的感受：「破了相沒甚麼好看，看米奇，他挺可愛的，其實發現每次彈鋼琴都是因為不開心才彈的。」
