陳煒膊到盡奉命箍觀眾

臨危受命為新劇宣傳的陳煒風騷晒膊引觀眾。

由於《火》劇是臨時代替另一套劇集《爸B有話兒》提早播出，早前更有傳《火》是臨危受命與ViuTV對撼，對此陳煒坦言已做好作為演員的部分，不會去想打仗與否。而光亮更直言不覺打仗：「對面又冇一個特別節目、特別劇集，（韓劇《太陽的後裔》？）做完啦，咁都可能有啲未知嘅嘢，咁咪搵啲普通嘢試吓水溫先囉！」

• 食住午餐宣傳的黃光亮，充分表現出劇中江湖大佬的兇猛氣勢。

雖然《火》劇提早推出未有影響陳煒的工作計劃，她還笑言即使《爸》劇原定播放亦需參與宣傳：「所有時間都畀晒公司。」不過黃光亮卻承認因宣傳工作而取消原定到越南出席的開幕剪綵工作：「一周年紀念先再去囉。」