周秀娜鄭欣宜比「舞」招親
女神周秀娜（Chrissie）、鄭欣宜等，昨日出席新片拜神儀式。直言好恨拍拖的Chrissie及欣宜不約而同即席比「舞」招親。Chrissie更直言追求者愈多愈好：「歡迎到不得了！」而欣宜就自爆渴望獲男友送上玫瑰花！
藝人周秀娜（Chrissie）、鄭欣宜、金燕玲（Elaine）及蔡瀚億等，昨日於銅鑼灣出席電影《29+1》開鏡拜神儀式。該片提及女人步入30歲的經驗，踏入30歲的Chrissie及同場的欣宜不約而同高呼恨拍拖。Chrissie謂：「自己正正30歲，拍到好想搵個人拍拖。（恨嫁？）本身冇諗咁多。」欣宜就自言今年要參加三個婚禮做姊妹，自爆想搵個幽默男友：「搵個令我開心嘅人。」
大派追求貼士
問到兩女是否想搵結婚對象？二人即作勢公開招親！Chrissie強調目前單身，更稱追求者愈多愈好：「歡迎到不得了！以前未去到30歲都幾驚，但到咗30歲就覺得會過去嘅，仲好後生同容光煥發，好想搵個理解自己嘅人。」欣宜則向「未來男友」大派貼士，自爆最愛收玫瑰及牡丹花。
最佳女配客串
至於為該片客串的Elaine，笑言獲導演彭秀慧邀請參演，故一口答應演出。提到Elaine勇奪香港金像獎「最佳女配角」，她稱喜獲多位朋友請食飯慶祝，更送上禮物及利是！問到其密友蘇施黃如何替她慶祝？Elaine指對方為自己包場宴請好友，而自己亦拎荷包買下一百多張戲飛請人睇戲作慶祝。問到女兒有否恭喜她獲獎？Elaine笑言：「佢叫我攞獎要多謝佢，佢好興奮，之前嚟香港都去咗睇首映。」
文：影視組