蘇麗珊背住男友「瘋癲之旅」畀人撩

新一代女神蘇麗珊（Cecilia）昨日出席劇集分享會，剛從台灣返港的她表示與一班大學同學到當地遊玩，但男友游學修未有同行：「好即興嘅，我冇問佢，有次佢去第二度做嘢，我都係聽佢朋友講先知，但冇咩所謂，我哋信任對方。」問到旅程中可有艷遇？她笑說：「冇！但去飲嘢嘅時候有人行過嚟同我哋傾偈，我今次係同女仔去，全部都係靚女嚟！」又指有位台灣海關人員知道她是演員後，即祝她在娛樂圈大紅大紫。她笑言與朋友去旅行可以玩得更瘋癲，相反與男友同行則會比較安靜：「可能因為少啲人去。（扮小鳥依人？）唔係！我本身都好黐身！」