鄧穎芝鎖頸打殘Winkie
歌手黎美言（Winkie）與鄧穎芝為ViuTV真人騷節目《G-1格鬥會》進行的MMA格鬥賽前晚播出，賽前已被套上「是非精」形象的Winkie，連HotCha前隊友張紋嘉亦選擇倒戈離棄她，與吳日言等齊齊力撐鄧穎芝。兩女未上擂台已火藥味十足，鄧穎芝力數Winkie講大話，到真正埋牙對打，兩女拳來拳往打到嘭嘭聲，面部各有損傷，打前一面猙獰表情的Winkie，第二回合被鄧穎芝一招鎖頸，令她宣告投降！
此外，鄧穎芝除在facebook發千字文力數Winkie外，昨晚又轉發一位名為Cherrie Pie的言論：「我唔知Winkie為人點，但想講呢啲係學武好基本家教，你練嘢整親人唔代表你勁定你認真，係你仆X。」、「叫停都仲打多兩拳，Tap咗唔放仲繼續落，呢啲係好仆X」。Winkie亦在fb發功，指「比賽，流血少不免！」繼續口水MMA。
另外，藝人龍小菌昨日出席劇集分享會，提到她有份參演的《G-1格鬥會》是非不斷，經理人邵子風更炮轟另一參賽者劉燕妮（Rika）虛偽，她笑說：「佢成日都鬧人，我都阻止唔到佢。」但亦表示不認同Rika之前怪責對手Winkie在擂台上重手：「重手係必須，讓你係等於睇你唔起。」
