梁烈唯16歲「失身」畀翻版徐若瑄

由梁烈唯、金剛及許紹雄主持的無綫節目《男人食堂》前晚播出的一集由黃宗澤及徐子珊擔任嘉賓，節目尾聲眾人代網民互問問題，黃宗澤問梁烈唯幾多歲失身，向來玩得的梁烈唯也被嚇窒，未能即時反應，只是一味傻笑。金剛搶着說：「我就18歲，我『巧』（好）遲！」許紹雄即說：「18歲仲遲？」金剛說：「一般嚟講16歲就『茅』（冇）咗！」

大家繼續向梁烈唯逼供，他尷尬地說：「好似係16歲，唔記得喇！好模糊。」許紹雄抵死說：「係有心定唔覺意？係咪落緊傾盤大雨？」梁烈唯說：「係一個偶然嘅機會，好似真係落雨！收到個電話就過咗去喇！」金剛繼續主動自爆：「點解大家第一次都係落雨！」黃宗澤則笑說：「落雨真係好危險！」此外，許紹雄先後兩次問徐子珊「第一次」，她尷尬得面紅低頭避談說：「問題係問你哋呀！」

金剛	徐子珊	黃宗澤

分享「件事好青春」

梁烈唯昨日接受電話訪問回應16歲失身時說：「真係真！但唔係真實發生，只係一個夢，大家唔好咁緊張！（有冇同老婆講過？）唔記得有冇同老婆講過，但好多朋友都知，因為好深刻，16歲年輕人，第一次發呢啲春夢。（夢裏面嘅女仔係邊個？）唔係好知事主係邊個，好矇矓，但感覺一定靚，細個自己好鍾意徐若瑄，外形係似，但個樣就唔知，嗰啲年紀發呢啲夢好正常，發完梗係第一時間分享，件事好青春。」

黃宗澤被問到梁烈唯16歲失身，他說：「冇乜所謂嘅，差唔多啦個年齡。」金剛則說：「我信唯唯係發春夢！自己18歲失身覺得遲，男仔最低限度16歲要失身，法律OK，自己18歲失身，因為台灣18歲先可以。（夠18歲就即刻去失身﹖）有機會咪失囉！日日沖涼都會濕身。」

徐子珊低胸相被刪

此外，劇集《末代御醫》及《殭》上星期收視輕微下跌，分別錄得平均22及23點收視，星期日晚的《男》因對比上前星期是《EU超時任務》大結局，收視下跌了16.7點，平收視12.8點。無綫高層曾醒明表示收視升跌很正常，收視要看長線。

另外，歌手吳業坤（坤坤）昨日26歲生日，在Instagram上載徐子珊拎住蛋糕幫他慶祝的照片，徐子珊穿低胸晚裝騷3吋長事業線向鏡頭嘟嘴，坤坤留言：「我個蛋糕靚唔靚？」此Post一出，即引來大批網民留言，有人質疑點解徐子珊身材突然變好，又有人又提醒坤坤：「係咪嫌自己唔夠多緋聞！」之後可能坤坤醒水，秒速刪除該相，改為上載一張遮住了徐子珊事業線的合照！坤坤接受本報訪問，被問到為何刪相，他說：「諗諗吓覺得太激呀！超過2A級呀！」

文：影視組