Roy昨日於facebook上載當日有關方面邀他上節目時，起初是以探討人性黑暗面作招來的cap圖留言，並逐一作出反駁：「當日viu請我用意探討人性黑暗面，錄影當日去到化妝間見到蘭子小姐，大家有講有笑，我問佢要唔要對吓稿，因為製作部有mark稿的，點知QQ小姐（陳莉敏）又遲到，終於大家毫無準備下入廠，點知Roll機時兩位大姐上晒身，明踩暗寸非常有teamwork。」更揚言自覺中伏：「伏已中，街已出，錯已成，責已當，唔好屈我為錢同人夾稿，唔該。」
阿Roy亦將當日聯絡他上節目的viuTV資料撰稿員微信對話cap給本報，對方直指訪問有誤會令他不開心，故欲約他出來喝咖啡詳談，但他未有理會對方。及後Roy接受本報訪問，直言當初沒想過要離開錄影廠，期間有與工作人員討論節目內容，直指節目方針偏激及攻擊性，但對方堅持要他完成，直至後來女嘉賓出場時又被攻擊，故最終決定離開：「佢約我嘅時間就話探討咩人性黑暗面，我唔知節目角度會去到咁樣，當日PA有稿，但到頭來完全冇跟過稿，嗰兩位女士就free style。我中間都有嗌停問過監製，點解件事去到咁樣，如果咁樣請我上嚟，我一定會拒絕，但佢哋話溝通問題。主要想澄清有啲人話我哋係夾計，我肯定唔會為咗嗰啲消費自己嘅尊嚴囉。」對於ViuTV指他有看過完整版本節目，則承認屬實，但他指自己曾向有關方面反映過不要出街，但得到回覆是「無得改變」才被迫接受。